Tiniyak umano ni House Speaker Lord Allan Velasco na ipapasa nila sa Biyernes ang panukalang P4.5 trilyong national budget sa ikatlong pagbasa.
Ayon kay President Vicente Sotto III, tinawagan siya ni Velasco at kanilang napagkasunduan na sila’y magpulong pagkatapos nilang maipasa sa Biyernes ang pambansang budget.
Aniya, kanila ring tatalakayin kung ano ang mga panukalang batas na gagawin nilang prayoridad.
Binati naman ni Sotto si Velasco sa pagkakaluklok nito bilang bagong speaker ng kamara at umaasa na magiging maganda ang kanilang working relationship.
Samantala, inalis na rin ni Senator Panfilo Lacson ang pangambang magkaroon pa ng re-enacted budget dahil sa pangako ni Velasco na ipasa sa ikatlong pagbasa ang panukala sa darating na Biyernes.
