Nadagdagan pa ang bilang ng mga nasawi dahil sa pananalasa ng bagyong Ulysses.
Batay sa report ng National Disaster Risk Reduction and Management Council, sumampa na sa 32 ang bilang ng mga namatay dahil sa hagupit ng bagyo.
Sa bilang na ito, 15 ang mula sa Region 2, tig-6 sa Calabarzon at Cordillera, at lima sa Region 5.
22 naman nasaktan, at 20 naman ang bilang ng mga nawawala.
Una rito, lumabas na nasa higit 40 ang bilang ng mga nasawi batay naman sa datos na hawak ng Armed Forces of the Philippines (AFP) at ng Philippine National Police (PNP).
