Aminado si US President Donald Trump na may basbas niya ang inilunsad na airstrike ng Estados Unidos na ikinamatay ng mataas na heneral ng Iran.
Ayon kay Trump, talagang otorisado niya ang pagpaslang sa top military commander ng Iran na si Qassem Soleimani dahil layon lamang niyang mapigilan ang mga pina-planong pag atake nito.
Dagdag pa ng U.S. President, inilalatag na ni Soleimani ang mga pag-atake sa Amerika.
Gayunman, nilinaw naman ni Trump na ang kanilang hakbang ay para lamang mapigilan ang mga pag-atake nito ngunit wala aniya siyang plano na mag-umpisa ng giyera.
Matatandaang, ibinabala ng Iran na gaganti sila sa Estados Unidos at posible itong magmitsa ng giyera.
