Patay ang 37 katao, habang sugatan naman ang 15 pa sa nangyaring salpukan ng isang bus at isang truck sa Southeastern, Brazil.
Ayon sa Sao Paulo State Police, lulan ng bus ang mga mangagawa mula sa isang textile factory nang sumalpok sa truck sa highway ng bayan ng Taguai, Sao Paulo.
Anila, 32 lamang ang unang napaulat na death toll sa nangyaring insidente ngunit patuloy pa anila silang nakakarekober ng mga bangkay.
Dagdag pa ng mga otoridad, hindi nila alam kung ilan talaga ang bilang ng mga mangagawang lulan ng bus at kung ilan rin ang sakay ng truck kung kayat posible pang madagdagan ang mga bilang ng nasawi.
Samantala, tanging truck driver lang umano ang nakaligtas sa nangyaring insidente.
Patuloy namang iniimbestigahan ng mga pulis ang dahilan ng nangyaring salpukan ng bus at truck.
