Ginagamit lamang ni Senador Antonio Trillanes IV ang kaniyang mga consultant upang magpakalat ng maling impormasyon laban sa pamilya ni Vice President Jejomar Binay.
Ito ang buwelta ng kampo ng Bise Presidente sa panibagong akusasyon ni Trillanes hinggil sa paggamit at pamamahagi ng pork barrel fund ni Makati Representative Abigail Binay sa dating senior citizens program OIC Ryan Barcelo.
Magugunitang itinanggi na ni Barcelo ang akusasyon sa kaniyang pagharap sa ika-24 na pagdinig ng Senate Blue Ribbon Sub Committee hinggil sa mga ghost senior citizens ng lungsod.
Dahil dito, muling hinamon ni Quicho si Trillanes na patunayan ang mga akusasyon at huwag lamang bumase sa mga impormasyong nakuha niya lamang sa kaniyang mga consultant.
By Jaymark Dagala | Allan Francisco
