May alok na trabaho ang Department of Labor and Employment (DOLE) para sa mga nasalanta ng pagbaha mula sa lalawigan ng Cagayan at Isabela.
Ayon kay Labor Sec. Silvestre Bello III sa ilalim ng cash assistance program ng kanilang kagawaran na tupad o tulong panghanapbuhay sa ating displaced workers ay binigyang kapangyarihan sina Isabela Governor Rodito Albano at Cagayan Gov. Manuel Mamba na mag-hire ng tig-5k mga residente sa kani-kanilang mga lugar na para maglinis at mag-ayos sa mga lalawigan.
Matatandaang nag iwan ng matinding pinsala sa mga nabanggit na lalawigan ang malawakang pagbaha bunsod ng bagyong Ulysses.
