Inilagay na ng Department of Justice ang tinaguriang ‘drug queen’ na si Guia Gomez Castro sa Immigration Lookout Bulletin Order (ILBO).
Ito mismo ang kinumpirma ni Justice Secretary Menardo Guevvara, kung saan nilinaw nito na sa ilalim ng naturan kautusan ay mamomonitor ng Bureau of Immigration (BI) ang pagpasok at paglabas ni Castro sa Pilipinas.
Matatandaang, una nang kinumpirma ng B.I. na nakalabas na ng bansa si Castro.
Kaugnay nito, sinabi naman ni Justice undersecretary Markk Perete na layon lamang ng ILB na bantayan ang galaw ni Castro sa lahat ng paliparan at pantalan sa bansa, ngunit hindi naman nito pipigilan ang galaw ni Castro, maliban na lamang aniya kung mag-isyu ang DOJ ng hold departure order laban dito.
