Wala munang taas singil sa pasahe sa Light Rail Transit o LRT line 1 sa pag-take over ng Light Rail Manila Corporation o LRMC sa operation at maintenance nito.
Ito ang siniguro ni Manuel V. Pangilinan, Chairman ng Metro Pacific Investments Corporation kung saan kabahagi ang LRMC.
Aniya, nito lamang Enero nang magpatupad ng fare increase ang gobyerno kaya’t ito na lamang ang kanilang susundan.
Nakatakdang magsimula ang serbisyo ng LRMC sa LRT sa Sabado, September 12.
Ang naturang kumpanya rin ang siyang nakakuha ng 65-billion LRT 1 extension project sa Cavite.
By Rianne Briones
