Iginiit ng Malacañang na walang kinalaman ang pagtataas ng singil sa buwis ng gobyerno sa pagsasara ng planta ng Honda Cars Philippines sa Santa Rosa, Laguna.
Ayon kay Presidential spokesperson Salvador Panelo, maaaring ang kalidad at presyo ng produkto ang dahilan kung kaya’t natalo ito ng ibang car manufacturers.
Aniya, dati nang mayroong pagtataas sa singil ng buwis dahil sa Tax Reform for Acceleration and Inclusion (TRAIN) law.
Samantala, nagpabatid naman ng pagkadismaya si Labor secretary Silvestre Bello III sa tuluyang pagpapasara sa planta ng Honda Cars Philippines sa kabila ng kanilang pakikipagnegosasyon dito.
