Magpapatupad ng big-time oil price hike ang mga kumpanya ng langis, bukas.
Batay sa abiso ng Pilipinas Shell Petroleum, epektibo alas 6:00 ng umaga, bukas ang pisong taas presyo sa kada litro ng gasolina habang piso at limang sentimos naman ang dagdag na presyo sa kada litro ng diesel.
Aabot naman sa 0.95 sentimos ang dagdag na presyo sa kada litro ng kerosene.
Magpapatupad din naman ng kaparehong halagang taas presyo ang Cleanfuel at Petro Gazz.
