Aabot sa 30 hanggang 50 pamilya ang naapektuhan matapos na sumiklab ang sunog sa isang residential area sa Taytay Rizal kaninang umaga.
Batay sa ulat ng mga otoridad, dakong alas 4:36 ng umaga sumiklab ang sunog sa Barangay Dolores na naapula dakong alas 6:28 ng umaga.
Ayon sa mga tauhan ng Bureau of Fire Protection (BFP), mabilis na kumalat ang apoy dahil pawang gawa sa mga light materials ang mga kabahayang nasunog.
Kabilang sa mga naapektuhan sa insidente ang mga mananahi, at mga pagawaan ng damit at tela sa lugar.
Patuloy pa rin namang inaalam ng mga otoridad ang kabuuang pinsala ng nasabing sunog.
