Nakatakda nang maghain ng Deportation Case ang Bureau of Immigration (BI) laban kay Resky Fantasya Rullie Alyas Cici, ang Indonesian suicide bomber sa Jolo, Sulu.
Nilinaw naman ng immigration na sasampahan muna ng karampatang kaso si Cici bago ito ipa-deport.
Samantala, sinabi naman ni AFP Spokesperson Major General Edgard Arevalo, kanilang napag-alaman na nagdadalang tao si Cici, at nagvolunteer itong maging suicide bomber para ipaghiganti ang pagkasawi ng kanyang asawa na si Andi Baso, isa ring Indonesian Foreign Terrorist na napatay sa Sulu noong Agosto.
Matatandaang naaresto si Rullie, kasama ang 2 iba pa sa tinutuluyan nitong bahay na pagmamay -ari ng Abu Sayyaf Group Sub Leader na si Ben Tatoo sa Jolo, Sulu nitong Sabado lamang ng madaling araw.
