Ilalabas sa loob ng 10 araw ang special risk allowances o SRA ng medical frontliners ayon sa Department of Budget and Management (DBM).
Ito ang tiniyak ni DBM Officer in charge Tina Rose Marie Canda, matapos ang ilang buwang pagkaantala ng pagbibigay ng benepisyo ng mga health worker.
Sinabi ni Canda na naghahanap na ng pondo ang DBM para sa ibibigay na sra ng mga healthcare workers na wala pang natatanggap.
Sinabi rin ng DBM na nailabas na nila ang mahigit P9 bilyon noong Hunyo bilang bahagi ng Bayanihan to Recover as One Act o Bayanihan 2 ngunit ang ilang bahagi nito ay hindi nagamit at ibinalik sa Bureau of the Treasury.
