Bahagyang bumilis ang Typhoon Tisoy habang patungong kanluran.
Huling namataan ng Pagasa ang sentro ng bagyong Tisoy sa layong 705 kilometro silangan ng Virac, Catanduanes.
May lakas ang hangin nito na umaabot sa 140 kph (kilometro kada oras) malapit sa gitna at pagbugsong aabot sa 170 kph.
Binabaktas nito ang direksyong patungo sa kanluran na may bilis na 25 kilometers per hour.
Dahil dito, nakataas na ang Tropical Cyclone Wind Signal (TCWS) No. 2 Catanduanes, Northern Samar, at Eastern Samar.
Habang Signal No. 1 naman sa Quezon (kasama ang Polillo Islands), Camarines Norte, Camarines Sur, Albay, Sorsogon, Masbate (Kasama ang Burias and Ticao Island), Marinduque, Romblon, Aklan, Capiz, Northern Iloilo (Ajuy, Anilao, Balasan, Banate, Barotac Viejo, Batad, Bingawan, Calinog, Carles, Concepcion, Dingle, Duenas, Estancia, Lambunao, Lemery, Passi City, San Dionisio, San Enrique, San Rafael, Sara), Northern Antique (Culasi, Libertad, Pandan, Sebaste, Tibiao), Northern Negros Occidental (Cadiz City, Calatrava, Enrique B. Magalona, Escalante City, Manapla, Sagay City, Silay City, Toboso, Victorias City), Northern Cebu (Asturias, Bantayan, Bogo City, Borbon, Carmen, Catmon, Daanbantayan, Danao City, Madridejos, Medellin, Pilar, Poro, San Francisco, San Remigio, Santa Fe, Sogod, Tabogon, Tabuelan, Tuburan, Tudela), Samar, Biliran, Camotes Island, Leyte,Southern Leyte, at Dinagat Islands
Patuloy naman ang ipinapaalala ng Pagasa na mapanganib pumalaot ang mga maliliit na sasakyang-pandagat sa seaboards ng mga lugar na nasa ilalim ng Signal No.1, northern at western seaboards ng Northern Luzon at eastern seaboards ng bansa.
Ayon sa Pagasa, inaasahan nilang tatama sa kalupaan ng Bicol region ang bagyo sa bukas, araw ng Lunes, Disyembre 2.
