Tataas ng halos kalahati ang service charge sa binibiling tickets ng mga pasahero ng Philippine Air Lines o PAL.
Ito’y matapos aprubahan ng Civil Aeronautics Board o CAB ang 49 percent na umento sa service charge ng PAL, kasama na ang 12-percent Value Added Tax o VAT.
Dahil dito, mula sa kasalukuyang P168 ay magiging P250 na ang service charge ng PAL sa domestic tickets na epektibo sa Setyembre 1.
Mananatili naman ang service charge ng PAL sa international flights na naglalaro sa P504 o 12 US dollars.
By Jelbert Perdez
