Patatawarin pa rin ni Labor Secretary Silvestre Bello III ang 4 na kabataang humablot ng kanyang cellphone.
Matatandaang nahuli na kahapon ng Manila Police District (MPD) ang 4 na suspek at narekober nadin ang cellphone ng kalihim.
Pero ayon kay Bello, hindi na kailangan sampahan ng kaso ang mga ito dahil sapat na umanong leksyon sa mga kabataan ang pagkakaaresto sa kanila.
Naniniwala pa si Bello na lalo lamang masisira ang buhay ng mga kabataan kung hindi niya i-aatras ang kaso laban sa mga kabataan.
Sa kabila pa ng panghahablot ng cellphone, ay nakahanda rin umano si Bello na bigyan ng trabaho ang mga ito.
