Pansamantalang ipinasara ng pamunuan ng simbahan ng Batangas ang isang parokya matapos itong manakawan ng isang sacred host o lalagyanan ng ostya na itinuturing na banal at sagrado ng Simbahang Katolika.
Sa ilalim ng kautusan ni Lipa Archbishop Gilbert Garcera, pansamantala munang ipasasara ang parokya ng San Juan Nepomuceno sa bayan ng San Juan, Batangas mula ngayong araw hanggang sa Enero 17.
Tiniyak naman ng arsobispo na ititiwalag ng simbahan ang sinumang indibidwal na mapatutunayang nagnakaw sa sagradong bagay.
