Hindi interesado si Presidential Spokesperson Harry Roque na maging susunod na pinuno ng PhilHealth.
Ayon kay Roque, masyado syang abala sa pagiging tagapagsalita ni Pangulong Rodrigo Duterte.
Kasabay nito, inamin rin ni Roque na mayroon nang mga lumulutang na posibleng kandidato bilang bagong PhilHealth Chief na pagpipilian ng pangulo.
Samantala, muli namang iginiit ni Roque na kailangang may integridad, mahusay sa pamamahala at marunong magprotekta ng kaban ng bayan ang susunod na itatalagang presidente sa PhilHealth.
Kahapon lamang nang tanggapin ni Pangulong Duterte ang pagbibitiw sa pwesti ni dating PhilHealth President Ricardo Morales dahil sa estado ng kalusugan nito.
