Inaasahang maisusumite na kay Pangulong Rodrigo Duterte ang report ukol sa anomalya sa PhilHealth, ngayong Lunes, ika-14 ng Setyembre.
Ayon kay Justice Secretary Menardo Guevarra, target nilang maihain na sa pangulo ang pangkalahatang sitwasyon sa PhilHealth.
Ang kalagayang ito, aniya, ang naging daan sa katiwalian at panloloko sa ahensya.
Dagdag pa ni Guevarra, tutukuyin rin nila ang mga partikular na sitwasyon kung saan naganap ang mga maanomalyang aktibidad dahil sa umiiral na kalagayan sa loob ng PhilHealth.
