Pabor si Pangulong Rodrigo Duterte sa Labor Reform Initiative (LRI) ng kingdom of Saudi Arabia.
Ito’y kung saan, sa ilalim ng LRI ay luluwag na ang contractual restrictions para sa mga foreign workers gaya ng mga Pilipino.
Dahil dito, maaari na umanong magpalit ng trabaho o umalis sa ibang bansa ang mga Pilipino kahit walang permiso sa kanilang mga amo.
Epektibo naman ang naturang batas sa Saudi Arabia sa Marso sa susunod na taon.
Samantala, binati naman ni Pangulong Duterte si King Salman Bin Abdulaziz para sa naturang inisyatibo nito na makakatulong sa halos 800K Pilipinong migrant workers sa Saudi Arabia.
