Patay sa pamamaril ang isang radio reporter sa barangay Daro sa Dumaguete City, Negros Oriental, kagabi, Mayo 5.
Kinilala ang 48 anyos na biktima na si Cornelio Pepino o mas kilalang si Rex Cornelio, residente ng Barangay Boloc-Boloc, na isang reporter at announcer sa DYMD Energy 93.7 FM.
Batay sa inisyal na imbestigasyon ng mga otoridad, naka-motorsiklo si Rex kasama ang kanyang asawang si Colen nang paulanin ng bala ng dalawang hindi pa kilalang suspek na sakay rin ng motorsiklo, dakong 8:30 p.m.
Agad na isinugod ang biktima sa Silliman University Medical Center, ngunit idineklara rin itong dead on arrival.
Samantala, nagsimula nang mag imbestiga ang mga otoridad sa motibo ng pamamaril at pagkakakilanlan ng mga suspek.
