Hindi lilimitahan ng Department Of Transportation (DOTr) ang operasyon ng mga pampublikong mga sasakyan ngayon holiday season.
Ito mismo ang tiniyak ni DOTr Consultant Alberto Suansing, kung saan wala pa naman aniyang polisiyang ipatutupad ang ahensya para limitahan ang biyahe ng mga pampublikong transportasyon.
Sinabi ni Suansing, hangga’t walang inilalabas na polisya ang Inter Agency Task Force (IATF) on emerging infectious diseases ay mananatili ang mga umiiral na polisiya hinggil sa biyahe ng mga pampublikong transportasyon.
Matatandaang, umapela ang pamahalaan sa publiko na limitahan ang kanilang paggalaw ngayong nalalapit na kapaskuhan dahil sa pangambang pagkalat ng coronavirus disease (COVID-19).
