Bumuo ng task force ang Philippine Sports Commission (PSC) at Department of Health (DOH) bilang paghahanda sa mga sports activities na papayagan ng gobyerno sa kabila ng umiiral na community quarantine.
Ayon kay PSC National Training Director Marc Velasco, nakikipagtulungan na rin sila sa health sector kaugnay sa mga panuntunan na kanilang susundin sa pagbabantay ng mga sports event.
Samantala, nabatid na ilang sports activities ang inaasahang papayagan ng pamahalaan matapos mag sumite ng mga protocols at proposals ang National Sports Associations sa Philippine Sports Institute.
