Magandang balita para sa mga motorista.
Hindi gagalaw ang presyo ng mga produktong petrolyo para sa linggong ito.
Ito ay batay sa magkahiwalay na abiso ng Petro Gazz at Shell, kung saan tiniyak ng dalawang kumpanya na mananatili sa kasalukuyang halaga ang presyo ng kanilang mga produktong petrolyo.
Habang, wala pa namang abiso ang iba pang kumpanya ng langis kung mananatili rin sa kasalukuyang presyo ang kanilang mga produkto.
Magugunitang, noong nakaraang linggo lamang ng magpatupad ng halos pisong rollback sa presyo ng kada litro ng gasolina ang mga oil companies, habang tumaas naman ang presyo ng diesel at gaas ng 10 hanggang 15 sentimos kada litro.
