Lumobo na sa halos 5-M ang bilang ng nagpositibo sa coronavirus disease 2019 (COVID-19) sa buong mundo.
Batay sa pinakahuling tala ng Agence France-Presse (AFP), pumalo na sa 4,720,476 ang kabuuang kaso ng nahawaan ng sakit.
Pinakamalaking naitalang kaso ay mula sa Estados Unidos na mayroong 1,507,773.
Sinundan naman ito ng bansang Spain na may 276,505 na kaso, Russia na may 272,043 na kaso at United Kingdom na may 240,161 na kaso ng COVID-19.
Samantala, umakyat naman sa 313,221 ang bilang ng nasawi sa buong mundo habang nasa 1,811,675 naman ang nakarekober.
