Pinag-aaralan na ngayon ng mga otoridad ang posibilidad na gumamit ng isang suicide bomber ang mga salarin sa magkasunod na pagpapasabog sa Jolo, Sulu.
Ito ay matapos marekober ng mga imbestigador ang mga pira-pirasong bahagi ng katawan sa loob ng Mount Carmel Cathedral, kung saan naganap ang pagsabog.
Ayon kay Philippine National Police (PNP) Chief Dir. Gen. Oscar Albayalde, wala pang matibay na ebidensiya sa anggulong ito, ngunit patuloy aniya itong pag-aaralan ng pulisya.
Samantala, pinangalanan na rin naman ni Albayalde ang isang suspect sa krimen bilang si alyas Kamah, na kapatid ng napaslang na Abu-Sayyaf sub leader na si Surakah Ingog.
Batay aniya sa nakalap na ebidensiya ng pulisya, nakitang umaaligid si Kamah sa simbahan kasama ang iba pang mga suspect bago maganap ang pagsabog.
