Bumuo na ng task force ang Philippine National Police (PNP) at Philippine Drug Enforcement Agency (PDEA) na tututok sa imbestigasyon sa nangyaring misencounter sa pagitan ng mga tauhan nito sa Commonwealth Avenue, Quezon City, kahapon.
Ayon kay National Capital Region Police Office (NCRPO) Chief Maj. Gen. Vicente Danao Jr., kanila nang inatasan ang Criminal Investigation and Detention Group (CIDG) na magsagawa ng malalimang imbestigasyon sa ilalim ng regional office ng NCRPO.
Samantala, una nang tiniyak ni PNP Chief Debold Sinas na walang mangyayaring ‘whitewash’ sa nangyaring misencounter.
