Ililipat na ng Bureau of Corrections (BuCor) ang kustodiya ni U.S. Lance Corporal Joseph Scott Pemberton sa Bureau of Immigration (BI), anomang oras ngayong araw.
Ito ay matapos na matanggap ng BuCor ang opisyal na kopya ng absolute pardon na ibinigay ni Pang. Rodrigo Duterte kay Pemberton.
Ayon kay BuCor Dir. Gen. Gerald Bantag, itu-turn over na nila si Pemberton sa BI sa oras na mailabas ito sa kaniyang detention facility sa camp aguinaldo.
Sinabi ni Bantag, ang paglilipat kay Pemberton sa BI ay alinsunod sa tamang proseso, at upang maisagawa na rin ang deportation proceeding para kay Pemberton.
Dagdag pa nito, standard operationg procedure (SOP) naman para sa panig ng BuCor ang pag turn-over ng dayuhang bilanggo sa BI sa oras na mapagsilbihan na nito ang kaniyang sentensiya at upang mai-deport na ito sa kaniyang bansang pinanggalingan.
