Hinihintay na lamang ng Philippine Charity Sweepstakes Office (PCSO) ang desisyon ni Pangulong Rodrigo Duterte kaugnay sa kanilang hinihirit na payagan nang muli ang operasyon ng lotto sa bansa.
Ayon kay PCSO General Manager Royina Garma, nagpadala na sila ng liham sa pangulo na inaantabayanan na lamang nila ang tugon nito.
Aniya, sakaling payagan na ang muling operasyon ng lotto ay kanilang titiyakin na mahigpit nilang susundin ang minimum health standards ng pamahalaan.
Samantala, matatandaang tatlong buwan nang suspendido ang palaro ng PSCO –partikular na ang lotto, keno, sweepstakes, swertres, EZ2 at small town lottery, dahil sa umiiral na community quarantine sa Metro Manila at ilang karatig na lalawigan nito.
