Posibleng napasama sa lumubog na MV Liberty 5 fishing boat ang 14 na mangingisdang Pilipino sa Occidental Mindoro.
Ito ang pinangangambahan ng Philippine Coast Guard (PCG) matapos bumangga ang naturang barko sa Hong Kong registered bulk carrier vessel na MV Vienna Wood nitong linggo.
Ayon kay PCG spokesperson Armand Balilo, mahihirapan ang kanilang grupo na sumisid dahil sa sobrang lalim ng pinaglubugan ng MV Liberty 5.
Samantala, iginiit naman ni Foreign Affairs Secretary Teodoro Locsin Jr. na pinapolitika lamang ang naturang insidente at wala umano itong kaugnayan sa isyu ng Pilipinas at China dahil sa West Philippine Sea.
Sa ngayon, sinimulan na ng Maritime Industry Authority at PCG ang imbestigasyon sa insidente.
