Kinumpirma ng Samahang Basketball ng Pilipinas (SBP) na hindi inalis sa team Gilas Pilipinas si PBA MVP June Mar Fajardo.
Ito ay matapos na hindi nakasama ang pangalan ni Fajardo sa 24 na manlalaro na sasabak sa FIBA Asia Cup Qualifiers na inanunsyo kahapon.
Paliwanag ni SBP President Al Panlilio, nais nilang magpahinga muna ng matagal ang beteranong Gilas player.
Samantala, tiniyak naman ni Panlilio na mangunguna na sa susunod na listahan si Fajardo para sa World Cup 2023.
