Kinumpiska ng Brazilian Police ang pasaporte ng 3 Irish Olympic officials dahil sa pagkakasangkot umano ng mga ito sa black market ticket ring sa Rio Olympics.
Kabilang sa mga kinuhaan ng passport sina Kevin Kilty, pinuno ng Irish delegation sa Rio; Dermot Henihan, Secretary General ng Olympic Council of Ireland; at OCI Chief Executive Stephen Martin.
Sa isinagawang operasyon, kinumpiska ng mga awtoridad ang pasaporte, cellphone at laptop ng tatlo dahil sa iligal na pagbebenta ng Rio tickets.
Narekober din sa 3 Irish men ang hindi pa nagagamit na Olympic tickets na para sana sa pamilya at kaibigan ng mga atleta.
By Meann Tanbio
Photo Credit: AFP
