Umaasa ang Senado at Kamara na maaaprubahan ang 2019 national budget bago sumapit ang buwan ng Pebrero.
Ayon kay Senator Loren Legarda, Senate finance committee chairman, hangad nilang matapos ang deliberasyon para sa P3.757 trillion na pambansang pondo sa darating na Enero 30 ngayong taon.
Giit ni Legarda, ayaw na rin aniya ng mga mambabatas na lumawig pa ang paggamit ng reenacted budget.
Samantala, tiniyak naman ni dating House majority leader at Camarines Sur Rep. Rolando Andaya ang buong kooperasyon ng Kamara sa pagpasa ng pambansang pondo.
