Ilalarga na ang panibagong bigtime oil price hike ngayong araw, Disyembre 1.
Batay sa anunsyo ng mga kumpanya ng langis, P1.15 ang umento sa kada litro ng gasolina.
P1.10 naman ang dagdag presyo sa kada litro ng kerosene habang P1.10 rin ang umento sa kada litro ng diesel.
Sa magkakahiwalay na abiso ng Petro gazz, Petron, Phoenix Petroleum, Pilipinas Shell, PTT Philippines at Seaoil Philippines ang oil price hike ay epektibo simula ala-6 ng umaga ngayong araw.
Habang ang cleanfuel naman ay magpapatupad ng taas presyo mamaya pang 4:01 ng hapon.
Samantala, una nang inilarga ng petron kaninang 12:01 ng hatinggabi ang dagdag na P0.96 sa kada kilo ng LPG habang P0.54 naman sa kada litro ng auto LPG.
