Ilalarga na ng ilang kumpanya ng langis ang panibagong taas presyo sa kanilang mga produktong petrolyo, ngayong umaga ng Martes, Nobyembre 24.
Batay sa magkakahiwalay na abiso ng Caltex, Shell at Sea oil, kanilang itataas ang presyo ng kada litro ng diesel sa P0.50 habang P0.30 naman sa kada litro ng kerosene.
Wala naman anilang pagbabago sa presyo ng kanilang gasolina.
Samantala, nag anunsyo naman ang Cleanfuel at Petro Gazz ng parehong taas presyo maliban na lamang sa kerosene.
Inaasahan namang mag-aanunsyo na rin ng taas presyo ang ilang kumpanya ng langis ngayong linggo.
