![GULAY supermarket palengke]](https://www.dwiz882am.com/wp-content/uploads/2021/01/GULAY-supermarket-palengke.jpg)
Nananatiling mataas ang presyo ng mga pangunahing bilihin sa Metro Manila.
Batay sa inilabas na price monitoring ng Department of Agriculture, tinatayang nasa P380 na ang kada kilo ng karne ng baka, P400 sa kada kilo ng babiy habang nasa P180 naman ang kada kilo ng manok sa maraming pamilihan sa NCR gaya nang sa mega Qmart sa EDSA, Guadalupe Market sa Makati City, San Andres Market sa Maynila, Kamuning Public Market at Commonwealth Market sa Quezon City.
Bukod dito, nananatili ring mataas ang presyo ng mga gulay sa mga nabanggit na pamilihan kung saan pumapalo na sa P120 hanggang P180 ang kada kilo ng talong, P90 hanggang P120 naman sa kada kilo ng kalabasa, P80 sa kada kilo ng sitaw, P140 hanggang P180 sa kada kilo ng pechay.
Ang bawang at sibuyas naman ay nasa P100 kada kilo, luya P140 hanggang P160 ang kada kilo, siling labuyo P800 hanggang P900 kada kilo.
Paliwanag ng DA, ang kakulangan sa suplay ng pagkain ang dahilan kung bakit mataas ang presyo ng mga pangunahing bilihin sa ilang pamilihan.
Patuloy kasing naaapektuhan ng malamig na panahon ang suplay ng gulay sa mga probinsya habang ang ilan ay hindi pa nakakabangon dahil sa mga nagdaang bagyo.
