Handa si Pangulong Rodrigo Duterte na unang maturukan ng bakuna kontra coronavirus disease 2019 (COVID-19).
Ito mismo ang tiniyak ni Presidential Spokesman Atty. Harry Roque ay upang mapawi ang takot ng publiko sa posibleng epekto ng COVID-19 vaccine.
Sinabi ni Roque, makatitiyak ang publiko na uunahin ng pangulo ang kapakanan at kalusugan ng taumbayan kaysa sa interes iilan.
Matatandaang sinabi ni Vaccine Czar Carlito Galvez Jr. na sa ika-20 ng Pebrero na inaasahang dumating ang suplay ng bakuna sa bansa, kung saan agad din namang uumpisahan ang vaccination program pagdating ng suplay sa Pilipinas.
