Buo pa rin ang tiwala ni Pangulong Rodrigo Duterte kay dating Bureau of Customs commissioner at kasalukuyang Technical Education and Skills Development Authority (TESDA) Director Gen. Isidro Lapeña.
Ito ang naging reaksiyon ni Presidential Spokesman Salvador Panelo matapos kasuhan ng National Bureau of Investigation (NBI) si Lapeña bunsod ng labing isang bilyong halaga ng shabu shipment naipuslit sa Customs.
Ayon kay Panelo, maituturing pang inosente si Lapeña sa mga akusasyon dahil wala pa namang pinal na hatol ang korte.
Bukod dito, iginiit rin ni Panelo na personal na kilala ng pangulo si Lapeña, kaya’t tiwala ito sa dating commissioner.
Nahaharap ngayon si Lapeña sa kasong paglabag sa Comprehensive Dangerous Drugs Act, anti-graft and corrupt practices at grave misconduct.
