HAYAGANG sinuportahan ng National Telecommunication Commission (NTC) ang pagtutol ng Office of the Solicitor General (OSG) sa panawagan ni Sen. Leila de Lima na ipasa ang dalawang panukalang batas pabor sa muling pagbuhay ng prangkisa ng ABS-CBN.
Una rito, inihirit ni De Lima sa Kamara na ipasa ang dalawang panukalang batas na layong maiwasan na ang pagkakaroon ng expiration ng mga prangkisa habang nakabinbin ang renewal applications.
Ayon kay NTC Commissioner Gamaliel Cordoba, ipinarating na nila sa House Committee on Legislative Franchises na ina-adopt ng komisyon ang position paper ni Solicitor General Jose Calida na tumututol sa SB 1530 at HB 7923.
Giit ng OSG, binabalewala ng dalawang panukalang batas ang legislative nature.
“The proposed bills seek to provide a ‘hold over franchise” to be enjoyed by an entity which has applied for a renewal while congress is still deliberating on the merits of such renewal,” ayon sa OSG.
Binigyang diin ni Calida na kung ipatutupad ang sistema para sa “hold over franchise” ay lalabagin nito ang batas na nagre-require sa isang broadcasting station na magkaroon ng legislative franchise.
Sinasabing maaarirding maabuso, ayon sa OSG, ang nasabing polisya dahil bibigyang-daan nito ng ang mga broadcasting entities na i-delay ang nakabinbing denial sa aplikasyon para sa franchise renewal.
“Furthermore, to allow an expired franchise holder to continue its operations thereby extending its use over the free signals granted by the State is akin to promoting ‘exclusivity’ which the Constitution abhors,” dagdag ni Calida.
Pahayag ng OSG, sa ilalim ng Article XII, Section 10 ng Konstitusyon, ay hindi ekslusibo ang ipinagkakaloob na prangkisa.
Sinabi ng OSG na ang dalawang panukala ay inihain sa magkaprehong petsa at halos naglalaman ng identical wordings.
Bunga nito, binanggit ng SolGen na malinaw na layon lamang nitong muling buhayin ang legislative franchises ng ABS-CBN at ng Amcara Broadcasting Network (Amcara).
previous post