Nilinaw ng Department of Social Welfare and Development (DSWD) na minamadali na nila ang paglalabas ng mga hindi pa nagagamit na pondo.
Ito ang naging reaksyon ni DSWD Spokesperson Irene Dumlao matapos na maglabas ang senado ng resolusyon kung saan pinabibilis nito sa DSWD ang paglalabas ng P83 billion na halaga ng unused funds.
Sinabi ni dumlao, ginagawa na ng dswd ang lahat ng kanilang makakaya upang ipatupad ang iba’t-ibang mga programa upang matulungan ang pinaka mahihirap na pamilya na apektado ng COVID-19, at ng mga nagdaang bagyo.
Kaugnay nito, aminado naman si dumalo na mayroon pang P83 billion na pondo na hindi pa naipamamahagi sa mga kuwalipikadong benepisyaryo nito.
Sinabi ni dumlao. 75 billion pesos nito ay nakalaan para sa Pantawid Pamilyang Pilipino Program (4Ps) at iba pang mga programa.
