Nasa Kamara na ang desisyon kung mayroong naging paglabag ang mga mambabatas sa social distancing protocols kaugnay ng ginawa nitong pagtitipon sa Celebrity Sports Plaza noong Lunes.
Ayon kay Presidential Spokesman Atty. Harry Roque, mayroon namang ethics committee ang Kamara na nangangasiwa sa mga tungkulin at asal ng mga mambabatas.
Aniya, napaka-hirap naman kung pangangasiwaan pa ito ni Pangulong Rodrigo Duterte gayong malinaw naman na co-equal branch naman ng Kamara ang pangulo.
Matatandaang aabot sa 111 mga mambabatas ang nagtipon-tipon sa Celebrity Sports Plaza noong Lunes upang iluklok si Velasco bilang House speaker
