Nakapagtala ng ilang pagbaha at landslide ang Office of the Civil Defense – 12 o Region 12 sa SOCCSKSARGEN dahil sa tuloy-tuloy na pagbuhos ng ulan dulot ng LPA at ITCZ.
Ayon kay Joremae Balmediano, Information Officer ng OCD-12, ang mga pinaka apektadong lugar ay ang; mga bayan ng Malapatan at Alabel sa Saranggani Province, General Santos City at bayan ng Sto. Nino sa South Cotabato.
Habang nagkaroon din ng landslide sa ilang lugar sa Saranggani kung saan apektado nito ang mga pananim ng mga magsasaka, kabahayan at ilang mga imprastruktura gaya ng tulay at iba pa.
Agad naman nagbigay ng tulong ang bawat LGU sa mga apektadong pamilya.
Sa ngayon, nagpapatuloy ang damage assessment sa pinsalang iniwan ng kalamidad. —sa panulat ni Abby Malanday
