Inaasahan na ng Philippine Red Cross (PRC) na maaaprubahan na ng Department Of Health (DOH) at Food and Drug Administration (FDA) ngayong linggo ang COVID-19 saliva test.
Ito ay matapos na makumpleto na ng PRC ang pilot run para sa pagsusuri ng 1k samples ng saliva testing.
Ayon kay Dr. Paulyn Ubial, head ng molecular laboratory ng PRC, nairehistro na rin nila sa FDA ang mga kits na gagamitin sa pagsusuri pra sa sertipikasyon nito.
Aniya, sakaling payagan na ng pamahalaan ang COVID-19 saliva test ay maaari nang sumunod ang iba pang laboratoryo.
Dagdag pa ni Ubial, ang pag aapruba sa saliva test ay mangangahulugan na madaragdagan na ang COVID-19 daily testing kung saan mas mura, mas mabilis at mas kumbinyenteng paraan pa ito ng pagsusuri na kasing accurate rin ng swab testing na itinuturing na gold standard sa COVID-19 testing.
