Tinatayang nasa P5.1-bilyong halaga ng shabu ang nasabat sa ikinasang drug-bust operation ng Philippine National Police (PNP) Drug Enforcement Group sa Marilao, Bulacan.
Naaresto naman sa operasyon ang isang Chinese national na si Yuwen Cai, gayundin ang dalawang Pilipino na sina Angela Miole at Maria Lyn Miole Tulio.
Ikinasa ang operasyon dakong alas-3 ng hapon kahapon, Huwebes, sa isang bahay sa Reley Street, Barangay Lias.
Ang hinihinalang shabu na tinatayang nasa 756-kilo ay nakasilid pa umano sa 63 na kahon.
Agad namang tumungo sa naturang lugar si PNP Chief General Archie Gamboa upang masaksihan mismo ang sandamakmak na droga.
Samantala, bukod sa bilyon-bilyong halaga ng shabu, nakuha rin ng PNP ang boodle money na nasa P1-milyong.
