Nangako ang Philippine Council for Agriculture and Fisheries (PCAF) na patuloy nitong isusulong ang pagpapaigting ng participatory governance, pagtataguyod ng transparency at accountability, at pagpapabuti ng sistema ng ‘check and balance’.
Ang pahayag ay ginawa ni PCAF Executive Director Office in Charge Liza Battad kasabay ng ika-siyam na taong anibersaryo ng advisory body ng Department of Agriculture (DA) noong Linggo, Hunyo 26.
“As part of our ninth anniversary celebration, PCAF hosted the first National DA [civil society organizations CSO] Summit to heighten the significance of CSOs toward the achievement of Masaganang Ani at Mataas na Kita,” pahayag ni Battad.
Sa kanyang talumpati, binigyang-diin naman ni Agriculture Secretary William Dar ang kahalagahan ng papel na ginagampanan ng PCAF sa accreditation at mobilization ng CSOs.
“PCAF, together with the Agricultural and Fishery Councils at the national and regional levels, has really been a vital instrument in rolling out various Department of Agriculture initiatives,” pahayag ni Dar.
Ang mga CSOs ay katuwang ng DA sa pagtiyak ng epektibo at episyenteng kampanya para sa food security, pagpapalakas ng food sufficiency, karagdagang budget support, at pagbibigay-daan upang mabilis na maka-angkop sa modernong teknolohiya ang sektor ng agrikultura.
Kasabay nito, pinuri rin ni Dar ang accomplishments ng ahensya sa ilalim ng OneDA Reform Agenda.