Tinatayang nagkakahalagang P2.7-bilyon na halaga ng hinihinalang shabu ang nakumpiska ng mga otoridad sa barangay San Antonio, Makati City madaling araw ng Miyerkules, Nobyembre 27.
Arestado sa operasyon ang hindi pa pinapangalanang Chinese national na nagsisilbing bodegero ng warehouse.
Batay sa inisyal na impormasyon mula sa pulisya, umabot sa 400 kilo ng hinihinalang shabu ang nakumpiska ng otoridad na isinilid sa mga selyadong plastic ng pet foods.
Agad namang napasugod sa lugar si PNP officer-in-charge (OIC) Archie Gamboa, habang patuloy pa ring ini-imbestigahan kung miyembro ng malaking drug syndicate ang nasabing dayuhan —ulat mula kay Gilbert Perdez (Patrol 13).
