Nilinaw ni Senator Aquilino “Koko” Pimentel na hindi makakaapekto sa buong operasyon ng Angkas ang kanyang mungkahing ideklarang persona non grata sa bansa ang Singaporean businesswoman at Angkas CEO na si Angela Tham.
Ayon sa senador, naka focus lamang ang kanyang isinusulong na resolusyon kay Tham at hindi sa buong Angkas.
Aniya, kung tutuusin si Tham ay dayuhan sa Pilipinas kung kaya’t dapat itong sumunod sa batas ng bansa.
Magugunitang, hinikayat ni Tham ang mga rider ng Angkas na magsagawa ng “indignation rally” dahilan para maparalisa ang trapiko.
