Nakatakda nang pangalanan ang mga tinaguriang ninja cops sa susunod na pagdinig ng Senado sa Martes, Oktubre a primero.
Ito mismo ang kinumpirma ni Senator Richard Gordon, matapos maipadala ng Senado sa tanggapan ni Pangulong Rodrigo Duterte ang listahan ng mga tiwaling pulis na nagre-recycle ng illegal drugs.
Una rito, nanindigan naman si Gordon na gagawin ng Senado ang lahat ng hakbang upang matigil na ang operasyon ng iligal na droga sa bansa.
Gayunman, nilinaw naman ni Gordon na ang imbitasyon nila kay PNP Chief General Oscar Albayalde ay dahil lamang siya ang pinuno ng PNP at hindi nila ito inaakusahan na sangkot sa drug recycling.
