Ipinagpaliban muna ng Department of Tourism (DOT) ang kanilang planong paglulunsad ng month-long sale sa lahat ng mga malls sa buong bansa.
Sa isang pahayag, binigyang diin ng DOT na ito ay upang matiyak ang kaligtasan ng publiko dahil sa panganib ng coronavirus disease (COVID-19).
Ayon kay Tourism Sec. Bernadette Romulo-Puyat, nakaaalarma na kasi ang kaso ng COVID-19 hindi lamang sa Pilipinas kundi sa buong mundo kaya’t nararapat lamang na mag-doble ingat ang publiko.
Paliwanag pa nito, layunin lamang kasi ng naturang nationwide sale na maibsan ang COVID-19 scare ngunit hindi naman aniya isasangkalan ng DOT ang kaligtasan ng publiko.
