Nilagdaan na ni Pangulong Rodrigo Duterte ang Republic Act No. 11470 o National Academy of Sports Act.
Ayon kay Sports Committee Chairman Senator Christopher “Bong” Go, layon ng naturang batas ang pagtatayo ng National Academy of Sports (NAS) malapit sa world class New Clark City Sports Complex sa Capas, Tarlac.
Aniya, ang NAS naman ay aatasang bumuo ng secondary education program na may special curriculum na sports at magbibigay naman ito ng scholarship sa mga kwalipikadong kabataan na gusto pang mapahusay ang kanilang skills sa sports.
Naniniwala naman ang senador na daan ito upang mabigyan ng pagkakataon ang mga kabataang atleta na mabigyan ng training at makapag-aral sa isang world-class na eskwelahan.
